حريه.........حريه
عديت علينا ايام وايام والخوف ركبنا ومدلدل رجليه
وكل واحد قاعد يحسبها ازاى يكمل ثلاثين يوم عليه
واحد قال الثورة هى اللى خلتنا ندورعلى واحد جنيه
والشغل خلاص راح منا وابتدينا نسال هوفي ايه
رد التانى وقال الدنيا هى هى والثورة جايه جايه
بلاش نلزق لها كل حاجه ولازم نصبر عليها شويه
ده لسانه عاش حياته يتهته والنهارده بيتكلم شويه
وبكره لازم يتكلم ويتكلم ويقول للدنياحريه حريه
*********************************************
امبارح كنا بنشكى ونقول اه ومعانا سكينه وريه
والنهارده معانا ناس بتمشى حياتنا ثانيه بثانيه
وماحدش فينا عارف ولا فاهم بيقولوا لينا ايه
بعد ما راحو ولادنا وما خدناش من حد الديه
ده هو وهمه مشوا وسابو اجمل واحلى هديه
وتانى وثالث بنتحاسب لما نقول حريه حريه
****************************************
اتقسمنا كتير وكتير ومحدش عارف ايه النيه
وسمعنا كلام بيقول معايا عيشتكوا هتبقى هنيه
تتغير فيها حياتكوا والواحد عندى يساوى ميه
وكان مصر دى كعكه والكل بياكل منها حته
لا والله مصر هتفضل فى قلبى اولى وتانيه
وصوت الحق مش هيموت وينادى حرية حرية
ملاحظة:- تم نشر المقالة على موقع بوابة الاهرام على الرابط
وتم النشر على موقع بوابة اليوم السابع على الرابط
ليست هناك تعليقات:
إرسال تعليق