امى الحبيبة
ارسل اليكى كتابى هذا من قاهرة المعز بعد غياب عنكى اكثر من ستة اشهر كنت اجهز فيها نفسى لدخول الانتخابات ، واليوم حينما ظهرت النتيجة اكتب اليكى ابشرك بامورا لم اكن اتوقعها ان تحدث لى ، فذهبت الى الحزب لكى انضم اليه لكى يرشحونى فى الانتخابات ولكن الحزب رفض فصممت ان ادخل الانتخابات بنفسى خوفا بان اعود اليكى و انا مهزوم ، فقمت بالتقدم لترشيح نفسى فى نفس الدائرة التى كان الحزب ينوى ان يرشحنى فيها وقمت باقتراض مبلغ من المال بلغ 20000 جنية من البنك ورافقنى فى الحملة بعض الناس لم اعرفهم من قبل و كانوا يعملون معى بهمه و نشاط لم اراه من قبل و بالرغم من اننى كنت واثق باننى ساخسر الانتخابات لان ما اعرفه فى الدائرة هو اسمها فقط ولكنى توكلت على الله وقلت انا و حظى فى الموضوع الذى اظن بانه فاشل من وجهة نظرى ، المهم و حتى لا اطيل عليكى وجدت نفسى اسمى موجود فى الاعادة للجولة الثانية تقوليلى يا امى ازاى معرفش ، وبعد ها جاءت الجولة الثانية و كنت وقتها اترقبها فى التليفزيون لانى بصراحة معرفش حد فى الدائرة وبعدين لقيت اسمى فائز ازاى معرفش ولما سالت ده حصل ازاى قالولى ان احزاب كتيرة انسحبت و ناس مستقلين انسحبوا و بقيت انا ومعاية مرشح تانى فى الجولة الثانية ولما حاولت اعرف ازاى كسبت فى الجولة الثانية قالولى ده رزقك يا بنى ادم وجالك وبسرعة روح طلع كارنية العضوية و اعرف الكرسى بتاعك مكانه فين , وانا ما كدبتش خبر روحت بسرعة و عملت اللازم بس لقيت ناس كنت بشوفهم فى التليفزيون شكلهم جميل ولما قربت منهم لقيتهم ناس عاديين جدا زينا يا امى بس فى موضوع مهم حصل منى لما قدمت اقرار الذمة المالية الخاص بى كتبت فيه الكتير زى ما الناس نصحونى اعمله وكل يوم باذهب للمجلس لحد ما الناس زهقوا منى و اتصورت فى المجلس كثير و بعتيلك صور منها.
بصراحة ياامى انا عاوز اخذ رايك فى موضوع مهم جدا انا عاوز ارجع فى كلامى و ارجع القرية تانى ولا عاوز مجلس شعب ولا غيره انا عاوز اعيش زى ما انا كنت عايش بس خايف منك لاحسن تغضبى على لان اللى شوفته و عرفته لا ينحكى ولا يتقال لحد ، دي دنيا تانيه مش بتعتنا انا حرمت حرمت حرمت تانى اعمل الكلام ده وانا راجع تانى ليكى يا امى قريب جدا وسمحينى فى الموضوع ده و ادعيلى ربنا يفرج على همى ،وفى النهاية اوعى تقولى لحد الموضوع ده يا امى، امنتك امانه يا امى.
ابنك البار
عضو مجلس الشعب مؤقتا بس
ملاحظة:- تم نشر المقالة على بوابة المصرى اليوم على الرابط
ليست هناك تعليقات:
إرسال تعليق